Ən təhlükəli smartfonlar açıqlandı

  • 15 Avqust 2018

. “Kryptowire”nin kibertəhlükəsizlik üzrə mütəxəssislərinin araşdırmasına görə, yalnız ucuz qurğular deyil, həm də “LG G6”, “Nokia 6”, “ASUS ZenFone 3 Max” və “Sony Xperia L1” kimi aparatlarda boşluqlar qeydə alınıb.

Chip.az xəbər verir ki, istehsalçıların səhvi ucbatından “Android” sistemi ilə işləyən smartfonlar müxtəlif hücumlara məruz qala bilər: ekran görüntüsünün əldə edilməsi, klavişlərə sıxılmanın, aparatda “root” girişin ələ keçirilməsi. ABŞ Daxili Təhlükəsizlik Nazirliyinin maliyyə yardımı ilə hazırlanmış hesabat Las-Veqasda keçirilmiş “Black Hat” adlı konfransda müzakirə edilib.

Boşluqların mövcudluğu “Android” sisteminin açıq olması ilə izah edilir, nəticədə üçüncü şəxslər kodu, sistemin davranışını dəyişdirə və hətta ƏS-nin ayrı-ayrı versiyalarını hazırlaya bilərlər. Bunun nəticəsində smartfonlara öncədən quraşdırılan daxili proqram təminatı və mobil tətbiqlərdə kritik səhvlər buraxıla bilər./Azərtac/

© Materiallardan istifadə edərkən hiperlinklə istinad olunmalıdır