Blockchain sistemi xərçəng xəstələrinə kömək edəcək

  • 09 İyul 2018

Blockchain sistemindən istifadə etməklə xərçəng xəstələri ehtiyacları olan dərmanları daha rahat əldə edə biləcəklər.

ichip.az xarici mediaya istinad edərək bildirir ki,  Good Shepherd Pharmacy şirkəti və FedEx Texnologiya İnstitutu blokçeyn texnologiyası vasitəsilə ilə xərçəng xəstələrinə kömək etməyi hədəfləyir.

Belə ki, şirkət bu sistemlə xərçəng xəstələrinin dərman ehtiyaclarını, istifadə müddətlərini və hansı vaxt aralığında istifadə edəcəklərini təyin edəcək. Hətta bu sistem istifadə olunmayan dərmanların maddi imkanları daha az olan şəxslərə ötürülməsinə vasitəçi olacaq.

Good Shepherd şirkətinin baş direktoru Phil Baker bildirir ki: "Statistikaya əsasən 10 milyon ABŞ dolları məbləğində dərman vasitəstələri istifadə olunmadan atılır. Tətbiq ediləcək yeni sistemlə atılan dərmanlar ehtiyacı olanlara verilə bilər. Blokçeyn bu zənciri qurmaq üçün böyük bir texnologiyadır. Hal-hazırda bir çox dərman şirkəti bu sistemdən istifadə edir. Xərçəng xəstələri üçün dönüş nöqtəsi olacaq bu sistem, dünyada böyük bir addımdır."

© Materiallardan istifadə edərkən hiperlinklə istinad olunmalıdır