Apple-in reallıq eynəkləri artıq tək istifadə edilə biləcək

  • 23 May 2022

Ortaya çıxan yeni məlumatlara görə, "Apple"in qarışıq reallıq eynəkləri heç bir kompüter və ya stansiyaya qoşulmadan tək başına işləyə biləcək şəkildə istifadəçilərə təqdim ediləcək.

Chip.az xarici mənbəyə istinadən xəbər verir ki, "Apple"-ın AR / VR direktoru Mike Rockwell,  reallıq eynəklərinin bir stansiyaya qoşulmasını istədi, lakin "Apple" rəhbərliyi cihazı tək istifadə etməyə qərar verdi. Virtual və genişlənmiş reallıq eynəklərinin əsasən iki fərqli işləmə üsulu var. Bu iş üsullarından birincisi eynəklərin tamamilə öz-özünə işləməsidir. Bu üsul daşıma qabiliyyəti və istifadənin asanlığı baxımından xüsusilə üstünlük təşkil etsə də, emal gücünə görə digər üsullardan geri qalır. İkinci üsul eynəkləri stansiyaya və ya kompüterə birləşdirərək istifadə etməkdir. Kabel bağlantısı tələb olunduğu üçün bu üsul daşınma və istifadəni çətinləşdirir. Qısacası, "Apple" müstəqil bir quruluş seçərək daşınma qabiliyyətini və istifadə rahatlığını bir addım önə çıxarmış kimi görünür. "Apple" tərəfindən istehsal olunacaq reallıq eynəklərində  illərdir inkişaf etdirilən iki prosessorun olması gözlənilir.

© Materiallardan istifadə edərkən hiperlinklə istinad olunmalıdır

Tövsiyə Edilən Xəbərlər