Samsung şirkəti YouTube ilə yeni əməkdaşlıq edəcək

  • 10 Fevral 2022

''Samsung'' keçirilən ''Galaxy Unpacked'' tədbirində ''YouTube'' ilə yeni tərəfdaşlığını elan edib.

Chip.az  xarici mənbəyə istinadən xəbər verir ki, ''Samsung''un bu ortaqlığı sayəsində S22 ailəsindəki cihazlar heç bir telefonda olmayan xüsusiyyətlərə sahib olacaqlar. ''Galaxy Unpacked'' tədbiri ilə çoxdan gözlənilən ''Galaxy S22'' və ''Galaxy S22 Ultra'' təqdim edilib.

''Samsung'' və ''YouTube'' arasındakı ortaqlığa əsasən, S22, S22 Plus və S22 Ultra telefonlarından birinə sahib olan istifadəçilər ''YouTube Premium''un pulsuz sınaq versiyasına sahib olacaqlar. Beləliklə, istifadəçilər ''YouTube''a əlavə ödəniş etmədən həm ''YouTube Premium'', həm də ''Galaxy S22'' ailəsinin yeni xüsusiyyətlərini yaşaya biləcəklər.

Qeyd edək ki, ''YouTube'' ilə bu əməkdaşlıq sayəsində ''Galaxy Watch 4'' istifadəçiləri də smart saatlarında ''YouTube Music'' tətbiqindən istifadə edə biləcəklər.

© Materiallardan istifadə edərkən hiperlinklə istinad olunmalıdır