Zoom-un yeni funksiyası görüşdə kimin iştirak etmədiyini xəbər verəcək

  • 03 Dekabr 2021

İnsanların Zoom görüşlərinə qoşulmalarını və ya gec qoşulmalarını izləmək daha asan olacaq.

Chip.az xarici xəbərə istinadən xəbər verir ki, tətbiqə əlavə olunacaq "Attendance Status" funksiyası ilə görüşə dəvət olunmuş, lakin "iştirak etməyənlər"  qatılmayıb kimi görünəcək.

Tətbiqə əlavə olunacaq bu funksiya iştirakçıların görüşlərə qatılıb-qatılmaması ilə yanaşı, göndərilən e-maillərdəki dəvətlərə qəbul və ya rədd cavablarını da göstərəcək. Bu halda, istifadəçi dəvəti qəbul etdiyi hesabdan başqa hesabla görüşə qoşularsa, o, görüşdə olsa belə, "qoşulmadı" kimi görünəcək.

Bu funksiyanın işləməsi üçün görüş menecerlərinin Google Calendar və Outlook Calendar proqramları ilə inteqrasiyası olmalıdır.

 

© Materiallardan istifadə edərkən hiperlinklə istinad olunmalıdır