Sosial media nəhəngi İnstaqram daim yeni funksiyaları sınaqdan keçirərək istifadəçi bazasını saxlamaq istəyir.

Chip.az xarici xəbərə istinadən xəbər verir ki, gəncləri hədəf alan platforma bu sahədə daha çox iş görür və tətbiqi bu mənada tez-tez yeniləyir. Keçən həftələrdə bütün istifadəçilərə link paylaşmağa icazə verən şirkət, bu dəfə hekayələr üçün “Sən də əlavə et” funksiyasını təqdim etməyə başlayıb.

Bu yaxınlarda hər kəs üçün əlçatan olan "Sən də əlavə et" funksiyası zəncirlənmiş hekayələrin yaradılmasına icazə verməklə əlaqəni əhəmiyyətli dərəcədə artırmaq məqsədi daşıyır.

Facebooka məxsus şirkətin bu yeni xüsusiyyəti mahiyyətcə istifadəçilərə bir sorğu və ya müəyyən bir mövzunu izləməklə digər istifadəçilərin hekayələrinə öz hekayələri ilə cavab verməyə imkan verir.