PlayStation 5-də yeni versiyasının yer almasını gözlədiyimiz 5 oyun - SİYAHI

  • 19 Yanvar 2020

Texnologiya nəhənglərindən olan Sony şirkəti bu ilin sonunda təqdim edəcəyi "PlayStation 5"də köhnə nəsil oyunlar üçün də dəstək verəcəyini açıqlamışdı. 

 

chip.az Türkiyə mətbuatına istinadən xəbər verir ki, "PS4 Pro"da olduğu kimi, bəzi oyunların yenilənmiş versiyalarına da ev sahibliyi edə bilər. PS5-də yenilənmiş və inkişaf etdirilmiş versiyalarını görməyi gözlədiyimiz 5 oyunu təqdim edirik: 

 

"The Witcher 3: Wild Hunt"

 

"The Witcher 3" 2015-ci ildə təqdim edilsə də populyarlığını qoruyur. İstər texnikası, istər hekayəsi ilə oyuncuları sehrləyən "The Witcher 3"-ün yenilənmiş qrafikası ilə "PlayStation 5"-də yer alması oyun həvəskarlarını sevindirəcək.

 

"The Last of Us"

 

 

2013-cü ildə istehlaka buraxılan "The Last of Us"ın yenilənmiş versiyası qısa müddət sonra "PlayStation 4" konsolu üçün yayımlanmışdı. Oyun həvəskarlarının "saqqızını oğurlamağı" bacaran oyun "PlayStation 5"in yenilənmiş texnologiyası sayəsində daha realistik hala gətirilə bilər. 

 

"Red Dead Redemption"

 

 

"Red Dead Redemption" seriyasının ilk oyunu 2010-cu ildə təqdim ediləndə olduqca populyar idi və heyranlarından böyük dəstək görürdü. Vəhşi qərb mövzusu ilə dünyanı silkələyən, bunu möhtəşəm hekayə ilə bəzəyən "Red Dead Redemption"ın  yenilənmiş versiyası çox istənməsinə rəğmən "PlayStation 4"-də yayımlanmamışdı. "PlayStation 5"-də isə şirkət rəsmiləri əks qərar qəbul etməyə çox yaxındırlar. 

 

"The Elder Scrolls V: Skyrim"

 

 

"The Elder Scrolls V: Skyrim" heyranlarının günlərlə oynasalar da sıxılmayacaqları oyunlar siyahısındadır. "400-dən artıq missiyası olan oyun 2011-ci ildə oyun həvəskarlarına təqdim edilib. Olduqca sevilən bir oyun olan "The Elder Scrolls V: Skyrim" "PlayStation 5" konsolunda yenilənmiş versiyası ilə qarşımıza çıxa bilər. 

 

"Bloodborne"

 

 

"FromSoftware" tərəfindən istehsal edilən "Bloodborne" olduqca gözəl qrafikası ilə inanılmaz atmosfer yaradan oyunlardandır. Oyunun "PlayStation 4 Pro" üçün yenilənmiş versiyasının təqdim edilməməsi əksər oyun həvəskarlarını təəccübləndirmişdi. "FromSoftware" oyunun yenilənmiş halını təqdim etməklə "PlayStation 5"-in nəyə qadir olduğunu bir daha göstərə bilər. 

© Materiallardan istifadə edərkən hiperlinklə istinad olunmalıdır

Tövsiyə Edilən Xəbərlər