ABŞ qadağan olunmuş İskəndər-in analoqunu sınaqdan keçirdi

  • 12 Dekabr 2019

Nyu-Mexikoda “Ağ qum” təlim poliqonunda ABŞ ordusu üçün yeni “Precision Strike” (PrSM) “Yer-Yer” raketinin ilk sınaq uçuşları keçirilib.

Lenta.ru-nun məlumatına görə, bu barədə “Lockheed Martin” şirkəti xəbər yayıb.

Silah ABŞ tərəfinin “Qısa və orta mənzilli raketlərin ləğvinə dair müqavilə” ilə qadağan olunmuş saydıqları Rusiyanın “İskəndər” kompleksinin analoqudur.

ABŞ korporasiyası qeyd edib ki, buraxılış “High Mobility Artillery Rocket System” (HIMARS) qurğusu ilə 240 kilometr məsafə üçün keçirilib. Testlər zamanı, xüsusən uçuş yolu və hədəfə vurulma dəqiqliyi izlənilib.

“Defense News”un məlumatına görə, hazırda PrSM-in maksimal məsafəsi 499 kilometrə bərabərdir, lakin ABŞ və Rusiya raketlərin ləğvinə dair sözügedən müqavilədə məsuliyyət daşımadıqları üçün bu rəqəm 550 kilometrə çatdırıla bilər.

© Materiallardan istifadə edərkən hiperlinklə istinad olunmalıdır