Apple şirkəti AR faylların göndərilməsi üçün yeni USDZ formatını təqdim edib. Tərtibatçılar üçün isə ARKit 2 aktivdir. Yeni platformada ilk tətbiqi yaratmış şirkət LEGO olub. Bundan sonra istifadəçilər biri 9.99$-dan olan virtual konstruktorları alaraq onları artırılmış reallıqda yığa biləcəklər. Yeni iOS versiyasında həmçinin kamera vasitəsilə obyektlərin ölçülərini təyin etmək üçün Measure tətbiqi də yerləşdirilib.

    iOS 12-də tərtibatçılar foto üzrə axtarış sistemini təkmilləşdiriblər. Bundan sonra istifadəçilər fotoları hadisələr, obyektlər və məşğuliyyətlər üzrə axtara biləcəklər. Tətbiqdə həmçinin “For You” adlı yeni qovluq da yaradılıb. Həmin qovluqda Google Photo-daki kimi hər bir istifadəçi üçün individual ehtimal fotolar yer alır. iOS 12-nin daha bir özəlliyi də ondan ibarətdir ki, sistem fotoda aşkar etdiyi şəxslərlə həmin fotonu paylaşmağı təklif edir.

© Materiallardan istifadə edərkən hiperlinklə istinad olunmalıdır