Google əməkdaşlarını işə necə götürür?

  • 6 gün Əvvəl

Bütün şirkətlər yeni əməkdaşlarını işə götürərkən “Google”ın təcrübəsindən yararlanmalıdır.

“LA Times” dəfələrlə şirkətin zəka testlərini keçirməkdən imtina edərək namizədlərin intellektini tam qiymətləndirmədiyindən bəhs edən məqalələr dərc edib.

“Namizədlərin orta akademik balı artıq heç bir əhəmiyyət kəsb etmir. Çünki bunun işçinin fəaliyyətinə təsiri yoxdur”, — “Google” şirkətinin HR-direktoru Lazlo Buk qeyd edir. Əlbəttə ki, “Google”dan gələn tövsiyə və üsulları müəyyən bir şirkətin ehtiyaclarına uyğunlaşdırmaq tələb olunur. Lakin bir çox şirkət “Google”ın müsahibə təcrübəsini mənimsəməyə tələsmir.

Ən yaxşı mütəxəssislərin işə götürülməsi və əldə saxlanılması “Google”ın fəaliyyətinin əsasını təşkil edir və hər hansı digər şirkət idarəetmə heyətinin royallığına həsəd apara bilər. Əgər “Google” istedadın, həqiqətən, vacib olduğuna inanırsa, elədir ki var. Odur ki, bütün şirkətlər işçilərini “Google”ın etdiyi şəkildə işə götürməlidir. Lakin bunu texnologiya nəhənginin təcrübələrini kor-koranə təqlid etmədən, taktikaları öz müəssisələrinin ehtiyaclarına uyğunlaşdırmaqla etməlidirlər.

Zehni qabiliyyətlərin yoxlanılması namizədin müvəffəqiyyət şansını təyin etməyə imkan verən komponentlərdən yalnız biridir. Bir çox işəgötürən və HR mütəxəssisləri bu prinsipdən uzun müddətdir ki, istifadə edirlər, ancaq indi rəqəmlər və sxemlər onsuz da aydın olan faktları təsdiqləyir.

Məkan təfəkkürünü ölçmək üçün hazırlanmış Hogan Matrigma sistemi, habelə kraudsorsinq istifadə edərkən proqramçının qabiliyyətlərini qiymətləndirməyə kömək edən Gild kimi vasitələr çox faydalıdır. Test sistemləri daim dəyişilir. Müqavilənin bağlanması prosedurundan əvvəl və sonra həyata keçirilən ölçmələr fərqli məqsədlərə malikdir.

Orta akademik balın namizədlərin zehni qabiliyyətlərini tam əks etdirməməsinə baxmayaraq, “Google”ın yanaşmasının istifadə edilməsinin əleyhinə əsas arqument budur: Əksər hallarda bəzi idrak qabiliyyətləri təhsil səviyyəsi və təcrübədən birbaşa asılıdır.

“Google” yüksək texnologiyalar sahəsində liderdir. Bəzi hallarda onların təcrübəsi tamamilə tətbiq oluna bilməz, lakin nəzərə alınmalıdır. İşəgötürmənin xüsusi prinsipləri şirkətin uğur qazanmasının başlıca səbəblərindən biridir.

Əlbəttə ki, əksər hallarda işçilərin koqnitiv bacarıqları ilə uğurları arasında bir əlaqə izlənilir; amma bu heç bir şəkildə komandada işləmək bacarığına, sosial və emosional komponentə və təşkilatçılığa təsir etmir. Beləliklə, yüksək intellekt karyerada müvəffəqiyyətə zəmanət vermir.

Hesablama neyrobiologiya sahəsindəki böyükhəcmli məlumatlar və ən son texnologiyalar məşğulluq keyfiyyətinin və modelinin qiymətləndirilməsi üsullarını tezliklə dəyişdirəcək. “Google” kimi nəhənglər əksər şirkətlərdə mövcud olmayan işəgötürmə prosesi və fəaliyyətin nəticəliliyini ətraflı təhlil edə bilər. Ancaq “Google”ın strategiyaları və prinsipləri çox vaxt onlar üçün də keçərli olur.

Bir çox rəhbərlər hələ də yüksəktəhsilli mütəxəssisləri özlərinə uyğun olmayan vəzifələrə təyin edirlər, niyyətlərin şəffaflığını qiymətləndirmirlər, işçilərlə etibara söykənən münasibətlər qurmağa çalışmırlar və ya hər bir əməkdaşın işə verdiyi töhfəni və ümumiyyətlə, işin nəticəliliyini nəzərə alaraq əməyin ödənilməsi sxemini təkmilləşdirmirlər. Bütün bunlar müsbət nəticələrə səbəb olmur və menecerlər əməkdaşlarla işin effektiv yollarını axtarmağa davam edirlər.

Məsələ bundadır ki, “Google” rəhbərliyi işçilərinə hörmətlə yanaşır və işçilər də eyni qaydada qarşılıq verirlər. Bütün hüquqi normalara riayət etməyə və iş əlaqələrini anonimləşdirməyə çalışmırlar. Şirkət etibarlı münasibətləri qoruyub saxlamağa və insanlara layiq olduqları qədər pul ödəməyə çalışır. “Google”ın səxavəti isə əmək məhsuldarlığı şəklində artıqlaması ilə özünə qayıdır.

Məsələn, Google mükəmməl təchiz olunmuş inzibati kompleksə, çoxçeşidli menyusu olan yeməkxanaya, ofisdən uzaqda yaşayanlar üçün xidməti nəqliyyat vasitələrinə və işçilərin uşaqları üçün məktəbəqədər təhsil müəssisələrinə malikdir. Bundan əlavə, şirkət proqramçılara iş vaxtlarının 10%-ni işdənkənar layihələrinə və sınaqlara sərf etməyə imkan verir. Qeyd edək ki, şirkət işəgötürmə xərclərini tamamilə ödəyir.

Google rəhbərləri nə edir? Digər təşkilatlar hansı prinsipi tətbiq etməlidir?

İşəgötürmə prosesinin dəyərinə deyil, keyfiyyətinə diqqət yetirirlər. Təəssüf ki, bir çox şirkət üçün pul müəyyənedici amildir.

Onlar üçün mütəxəssislərin işə götürülməsi və şirkətdə saxlanılması sadəcə mənasız bir şüar deyil. Bu HR mütəxəssislərinin işini qiymətləndirmək üçün bir meyardır.

Qiymətləndirmə sisteminə əsaslanaraq müxtəlif fəaliyyət növlərini dəyişdirirlər.

Namizədləri 10-20 müsahibədən keçməyə məcbur edirlər.

İşəgötürmə prosesinə külli miqdarda pul xərcləyirlər, əksər hallarda eyni metodlardan istifadə edən rekruterlərdən isə heç bir gəlir əldə edilmir. Hər şeyə rəğmən şirkətin ən yaxşı xüsusiyyəti budur ki, mənfi cəhətlərinin üzərində daim səylə çalışır.

finco.az

chip.az

© Materiallardan istifadə edərkən hiperlinklə istinad olunmalıdır