Buta Airways-in İstanbula uçan təyyarəsi təcili Bakıya qayıdıb

  • 20 Noyabr 2019

Sərnişinlərdən birinin halının qəfil pisləşməsi ilə əlaqədar olaraq "Buta Airways"in J2 9103 nömrəli aviareysində hava gəmisinin kapitanı uçuş aeroportuna geri qayıtmaq qərarı alınıb. Reys Bakı vaxtı ilə saat 09:40-da uğurlu eniş edib.

Chip.azAPA-Economics”ə istinadən xəbər verir ki, təyyarə Bakı-İstanbul marşrutu üzrə reysi yerinə yetirirdi. Göyərtədə 104 sərnişin olub.

Xəstə sərnişini tibb əməkdaşlarına təhvil verdikdən sonra təyyarənin ekipajının İstanbula uçuşa hazırlaşacağı gözlənilir.

© Materiallardan istifadə edərkən hiperlinklə istinad olunmalıdır