38 milyard dollarlıq satışdan məmnun deyil

  • 15 Noyabr 2019

"Alibaba"nın qurucusu Jack Ma Subaylar Günü satışlarından məmnun deyil

Çinin nəhəng elektron ticarət şirkəti "Alibaba"nın qurucusu Jack Ma Subaylar Günü satışlarının onun məmnun etmədiyini bildirib. O, satışların proqnozundan aşağı olduğunu deyib.

Chip.az "Marja"-ya istinadən xəbər verir ki, Ma, satışların özünün proqnozundan aşağı olmasına isti havanı və Bazar ertəsi olmasını səbəb göstərib.

Subaylar Günü 24 saat davam edən və minlərlə məhsulda böyük endirimlərin olduğu bir alış-veriş festivalıdır. "Alibaba" 11 Noyabr Subaylar Günündə 38,3 milyard dollarlıq satışla rekord qırmışdı. Ancak satış rekordu qırılmasına baxmayaraq Ma-nın gözləntisini qarşılamayıb.

Bir Konqresdə danışan Ma, "Bunun bir neçə səbəbi var, biri havanın çox isti olmasıdır. Paltarlar hava soyuq olduğunda daha yaxşı satır. Digər səbəbi də Subaylar Gününün Bazar ertəsi gününə təsadüf etməsidir",- deyib.

© Materiallardan istifadə edərkən hiperlinklə istinad olunmalıdır