Rusiya kosmosa şüşədən hazırlanmış kürə göndərəcək

  • 05 Noyabr 2019

"Rokot" daşıyıcı raketi "Blits-M" kosmik aparatı ilə birlikdə orbitə üç ədəd "Qonets-M" rabitə peykini də çıxaracaq

Rusiya dekabrın sonlarında Yerin orbitinə şüşədən hazırlanmış "Blits-M" sferik kosmik aparatı göndərəcək.

Chip.az Sputnik Azərbaycan -a istinadən xəbər verir ki, kosmik aparat Yerin qravitasiya sahəsinin tədqiqi üçün istifadə olunacaq. Qeyd olunur ki, "Rokot" daşıyıcı raketi "Blits-M" kosmik aparatı ilə birlikdə orbitə üç ədəd "Qonets-M" rabitə peykini də çıxaracaq.

Raketin dekabrın 25-də Plesetsk kosmodromundan buraxılması planlaşdırılıb.

Xatırladaq ki, Rusiya 2009-cu ilin sentyabrında da "Blits" sferik şüşə peykini orbitə buraxıb. Lakin 2013-cü ilin yanvarında aparat Çinin peyk əleyhinə silahdan istifadə etməsi nəticəsində "Fengyun-1С" peykindən qopmuş qırıntılarla toqquşub.

© Materiallardan istifadə edərkən hiperlinklə istinad olunmalıdır