Beynəlxalq Kosmik Stansiyaya gedəcək 63-cü ekspedisiyanın tərkibi məlum olub

  • 31 Oktyabr 2019

2020-ci ilin aprel ayında NASA kosmonavtları Kris Kassidi, həmçinin rus kosmonavtları Nikolay Tixonov və Andrey Babkin Beynəlxalq Kosmik Stansiyaya (ISS) 63-cü ekspedisiyaya yola düşəcəklər.

Chip.az APA-ya istinadla xəbər verir ki, yeni heyət hazırda orbital stansiyada olan NASA kosmonavtları - Cessika Meiri, Andrey Morganı, eləcə də rusiyalı kosmonavt Oleq Skrypoçkanı əvəz edəcək. 

ISS-ə 62-ci ekspedisiyadan sonra Kris Kassidi heyətin rəhbəri olacaq. Gözlənildiyi kimi, 63-cü ekspedisiya 2020-ci ilin oktyabrına qədər davam edəcək.

Qeyd edək ki, bu uçuş Kassidinin Kosmosa üçüncü səfəri olacaq. O, 2009-cu ildə, “Endeavour” kosmik gəmisində kosmik uçuş edən 500-cü adam olub. Kassidi 2013-cü ildə İSS-ə gedən 35 və 36-cı ekspedisiyalarda iştirak edib. Ümumilikdə orbitdə 182 gün keçirib.

© Materiallardan istifadə edərkən hiperlinklə istinad olunmalıdır