Bu yolda avtonəqliyyat vasitələrinin hərəkəti 3-4 günlük məhdudlaşdırılacaq

  • 17 Oktyabr 2019

Aparılan təmir işləri ilə əlaqədar oktyabrın 17-dən 18-nə keçən gecədən etibarən paytaxtın Şəfayət Mehdiyev küçəsinin General Akim Abbasov küçəsi və Tbilisi prospekti arasında yerləşən hissəsində də avtonəqliyyat vasitələrinin hərəkəti məhdudlaşdırılacaq.

Chip.az Azərbaycan Avtomobil Yolları Dövlət Agentliyinin İctimaiyyətlə əlaqələr şöbəsindən verilən informasiyaya əsaslanaraq xəbər verir ki, Ş.Mehdiyev küçəsinə Əbdürrəhim bəy Haqverdiyev və General A.Abbasov küçələri, həmçinin Tbilisi prospekti istiqamətindən giriş bağlanacaq.

Image result for Şəfayət Mehdiyev küçəsində hərəkət məhdudlaşdırılır - XƏRİTƏ

Məhdudlaşma 3-4 gün ərzində qüvvədə olacaq. Bu müddət ərzində sürücülərdən öncədən hərəkət istiqamətlərinə uyğun alternativ yollardan istifadə etmələri xahiş olunur. Alternativ olaraq sürücülər Hüseyn Cavid və Həsən bəy Zərdabi prospektlərindən, Əhməd Cəmil, Akademik Zahid Xəlilov, Həsən Məcidov, General Akim Abbasov və Əbdulvahab Salamzadə küçələrindən, həmçinin sözügedən küçə və prospektlərə birləşən yollardan istifadə edə bilərlər.

© Materiallardan istifadə edərkən hiperlinklə istinad olunmalıdır