Bakının rabitə operatorunun internet şəbəkəsində texniki problemlər yaranıb

  • 6 gün Əvvəl

"AzEuroTel" MMC-nin şəbəkəsində baş verən texniki nasazlıq səbəbindən şirkətin xidməti ərazisində internet bağlantısında problemlər yaşanır.

Chip.az xəbər verir ki, şirkətdən verilən məlumata görə texniki nasazlıq yaxın 2 saat ərzində aradan qaldırılacaq. 

Qeyd edək ki, hazırda "AzEuroTel" tərəfindən "İçərişəhər" Dövlət Tarix-Memarlıq Qoruğunda rekonstruksiya işlərinə başlanılıb və mis kabellərin fiber-optik xətlərlə əvəzlənməsi prosesi həyata keçirilir. Tezliklə qoruqdakı mənzillərin və qeyri-yaşayış sahələrinin optik xətlər üzərindən yüksəksürətli multimedia xidmətləri ilə təmin olunmasına başlanacaq.

Eyni zamanda "AzEuroTel"in xidməti ərazisinə daxil olan paytaxtın mərkəzi küçələrində də köhnə rabitə infrastrukturunun yenilənməsi və optik şəbəkənin təşkili işləri davam edir. İlin sonunadək operator tərəfindən beş mindən yuxarı mənzildə yenilənmə işləri başa çatacaq və sakinlərin mərhələli şəkildə optik şəbəkəyə çıxışı təmin ediləcək.

© Materiallardan istifadə edərkən hiperlinklə istinad olunmalıdır