Çin orbitə yeni elmi tədqiqat peyki çıxarıb

  • 27 Sentyabr 2019

Çin özünün "Yunhai-1 02" adlı yeni nəsil elmi-tədqiqat peykini orbitə çıxarıb.

Chip.az bildirir ki, peykin buraxılışı sentyabrın 25-də Ciuçüən kosmodromundan baş tutub. Peyki orbitə "Long March-D" raketdaşıyıcısı aparıb. Bu, "Long March" nəslindən olan raketdaşıyıcıların 313-cü buraxılışıdır.

"Yunhai-1" peyki əsasən atmosfer, dəniz və kosmik mühitin araşdırması, təbii fəlakətlərin öyrənilməsi və elmi tədqiqatların aparılması üçün istifadə olunacaq.

Peyki və raketdaşıyıcını Çin Aerokosmik Elm və Texnologiya Korporasiyanın nəzdində fəaliyyət göstərən Şanxay Kosmik Uçuşlar Texnologiyası Akademiyasının mütəxəssisləri hazırlayıb.

© Materiallardan istifadə edərkən hiperlinklə istinad olunmalıdır