Ştrix-kod və skanerdən gitara hazırlanıb

  • 24 Sentyabr 2019

Britaniyalı ixtiraçı Ceyms Bruton simlərin yerinə kodlaşdırılmış notlarla ştrix-kodlar yerləşdirilən gitara hazırlayıb. Bu kimi gitaranı yalnız skaner vasitəsilə istifadə etmək mümkündür.

MIDI-gitaranın əsasları 3D-printerdə çap edilmiş plastik detallar bərkidilən alüminium komponentlərdən hazırlanıb. Alət ştrix-kodlar yerləşdirilən dörd qrifona malikdir. Cihazda, həmçinin oktavalar arasından keçmək və istədiyiniz MIDI kanalını seçmək üçün rezonator dəliyi və xüsusi bir joystik var.

Chip.az İct.az-a istinadən xəbər verir ki, ştrix-kodları skanerlə istifadə etmək mümkündür. Onlarda 0-dan 127-ə qədər ASCII simvolları kodlaşdırılıb. Bunun sayəsində kompüter onları notlara çevirir.

Aləti təsvir edən video “YouTube” sosial şəbəkəsində müəllifin kanalında yayımlanıb. İstehsalçı gələcəkdə onun ixtirasından hansı məqsədlə istifadə olunması barədə məlumat verməyib.

© Materiallardan istifadə edərkən hiperlinklə istinad olunmalıdır