Facebook Ray-Ban ilə birlikdə ağıllı eynək hazırlayır

  • 18 Sentyabr 2019

Media nəhəngi Facebook, Ray-Ban ilə ağıllı eynəklər bazarına daxil olmağa hazırlaşır.

Chip.az xəbər verir ki, şirkət yeni eynəklərinin smartfonları əvəz edə biləcəyinə inanır. Smartfon istehsalçıları daha çox xüsusiyyətləri olan daha qabaqcıl telefonlar istehsal etməyə çalışırlar. Bu şirkətlər bir-biri ilə birbaşa rəqabət aparsalar da, başqa bir şirkət birbaşa ağıllı telefonlarla rəqabət aparacaq bir məhsul hazırlayır.

Hazırda Orion adlanan cihaz kiçik ekranlarda məlumat verəcək və insanlara gördüklərini dərhal sosial mediada yerləşdirmək imkanı yaradacaq.

Cihazın zəng xüsusiyyətləri və səs köməkçisi də olacaq. Hələ bu xüsusiyyətlərin necə işlədiyinə dair ətraflı məlumat yoxdur.

Bu yüksək texnologiyalı eynəklərin bazara daxil olması 2023 və ya 2025-ci ildə olacaq. Facebook şirkətinin direktoru Mark Zuckerberg Orion eynəyinin tamamlanmasına üstünlük verir. 

Qeyd edək ki,  Snapchat-ın da  Snap Inc's Spectacles adlı ağıllı eynək layihəsi var idi.

 

© Materiallardan istifadə edərkən hiperlinklə istinad olunmalıdır

Tövsiyə Edilən Xəbərlər