Ekpert olimpiada nəticələrindən narazıdır

  • 08 Avqust 2019

Azərbaycanda ilk dəfə təşkil olunan olimpiadada iştirak üçün milli komandamız da daxil olmaqla, 88 ölkə və regiondan 600-dən çox şagird, müəllim və ekspertdən ibarət rəsmi nümayəndə heyəti qeydiyyatdan keçib.  Yarışda ölkəmizi indiyə qədər 24 dəfə təmsil edən Azərbaycan komandaları 1 gümüş və 4 bürünc olmaqla, ümumilikdə, 5 medal qazanıblar.

Chip.az xəbər verir ki, Bakıda keçirilən Beynəlxalq İnformatika Olimpiadasında birinci yeri 547.09 xalla ABŞ komandası, ikinci yeri 511.22 xalla Rusiya komandası və üçünçü yeri 494.33 xalla Kanada komandası yer alıb. 

Ekspert AİF (Azərbaycan İnternet Formu) prezidenti Osman Gündüz olimpiada haqqında narazılığını statusunda bildirib. Qeyd edib ki, ''Artıq 9-cu ildir ki, bu Olimpiadada heç bürünc medal da qazana bilmirik. Düşünmürəm ki, komandamızın iştirakçısı olan şagirdlərimizdə problem var. Problem çoxdan məlumdur ki, haradadır və nədədir. Beynəlxalq İnformatika Olimpiadasında və ümumiyyətlə İnformatika sahəsində uğursuzluqların bir əsas səbəbi var.''

Azərbaycan komandası isə bürünc medal uğrunda mübarizə aparsa da olimpiada da yer tuta bilməyib. 9 ildir təkrarlanan bu məğlubiyyətin səbəblərini elə Osman Gündüzün dilindən növbəti yazımızda xəbər tutacaqsınız.

CHİP.AZ

Nigar Həsənova

 

 

 

© Materiallardan istifadə edərkən hiperlinklə istinad olunmalıdır