3D printerdə ürək istehsal olunub

  • 05 Avqust 2019

Əsl insan toxuması və damarından istifadə edən İsrail alimləri ilk dəfə üç ölçülü printerdə ürək istehsal etdilər. Tədqiqatçılar bu inkişafın orqan nəqli və tibbi dünyadakı böyük bir uğur olduğunu düşünürlər ki, bu da xəstələrin ürəklərinə toxuma köçürməsini təmin edə bilər.

Chip.az xəbər verir ki, Tel-Aviv Universitetində görülən işlərdən danışan layihənin rəhbəri Doktor Tal Dvir, istehsal olunan ürəyin hüceyrələri və qan damarları olan bütöv bir orqan olduğunu vurğuladı.

Mediya ilə paylaşılan süni orqanın ölçüsü bir dovşanın ürəyinə yaxındır. Alimlər deyirlər ki, süni orqan həqiqi ürəklər kimi böyüyə və genişlənə bilər, ancaq qan dövr edə bilməz.

Tədqiqatçılar üç ölçülü printerlə istehsal olunan ürəyin hələ tam işləməsi və xəstələrə ötürülməsi üçün uzun bir yol keçdiyini söyləyirlər. 

Doktor Tal Dvir, üç ölçülü printer məhsulunun ürəklərini bir il ərzində heyvanlara ötürmək istədiklərini açıqladı. Dvir bildirir ki, ''Bəlkə də 10 ildən sonra dünyanın əksər xəstəxanalarında bu orqanlardan olacaq və belə prosedurlar adi hala gələcək''. Eyni zamanda Dvir xəstəxanaların əvvəlcə ürəkdən daha az mürəkkəb olan digər orqanlara üstünlük verəcəyini düşündüyünü söyləyib.

Tal Dvir süni ürəyin xəstələrdən toxuma alaraq istehsal edilməsinin lazım olduğunu və xəstənin immunitet sisteminə uyğunlaşmasının vacib olduğunu da vurğulayıb.

Nigar Həsənova

© Materiallardan istifadə edərkən hiperlinklə istinad olunmalıdır