11 milyon abunəsi olan youtuber faciəli şəkildə həyatını itirdi

  • 31 İyul 2019

Youtube-də elmi təcrübələr aparan və internetdə The Kinq of Random adıyla tanınan Grant Tompsonun yamac paraşütü edərkən keçirdiyi qəza nəticəsində həyata gözlərini yumduğu açıqlanıb. Açıqlamanı Tompsonun meneceri və dostu Larry  Shapiro həyata keçirib.

Chip.az xəbər verir ki, Youtube-də The Kinq of Random adı ilə tanınan və adətən elmi təcrübələr aparan Grant Thompson, ABŞ-ın  Utah şəhərində yamac paraşütü etməyə getdi. Honeymoon Trail adlı bölgədə paraşütlə atlayış həyata keçirən youtuber təyin olunan vaxtda geri dönüş etməyərək telefonlara da cavab verməyib.
 
Tompson-un meneceri və dostu Larry Shapiro qeyd edib ki, "Qəza anında tək idi və güclü bir tərs küləyə tutulub. Bu səbəbdən də böyük bir qüvvə ilə yerə çırpılıb". Vaşinqton County ofisi youtuberin bədənini tapıb geri gətirməyi bacarıb.

Grant, Youtube-də hər zaman insanları cəsarətləndirirdi və videoları insanda özünə inam yaradırdı. Menecerinin dediklərinə görə " Keçdiyimiz günlərdə kamera önündə olmağı sevmirdi, çünki ailəsi və uşaqları ilə  daha çox vaxt keçirmək istəyirdi. Hər zaman keyfiyyətli bir həyat istəyirdi". 

Thompson təxminən 1000 ədəd maraqlı və elmi videolar çəkmişdi.

Kanalın hazırda 11.6 milyon abunəsi və 2,4 milyard ümumi izlənmə sayı var.

Nigar Həsənova

© Materiallardan istifadə edərkən hiperlinklə istinad olunmalıdır