Bu bölgə sakinləri 7 saat internetsiz qalıb

  • 29 İyul 2019

Balakən rayonunda 7 saat müddətində internet olmayıb. 

Chip.az bildirir ki, bu informasiyanı Azərbaycan İnternet Forumunun (AİF) prezidenti Osman Gündüz deyib. 

O, bildirib ki, hansısa bir avadanlıqda və ya rabitə xəttində baş verən problem ucbatından gömrük, bank, onlayn bilet satışı sistemləri və s. sahələr yenidən iflic vəziyyətinə düşüb.

O qeyd edib ki, dayanıqlı İnternet və telekommunikasiya xidmətləri ilə bağlı Nəqliyyat, Rabitə və Yüksək Texnalogiyalar Nazirliyinin açıqlamaları reallığı əks etdirmədiyini düşünür: 

”Belə görünür ki hökumət 2015-ci il 16 Noyabrda Azərbaycan İnternetində baş verən hadisədən yetərincə nəticə çıxarmayıb. Yenə də informasiya və data mübadiləsi üçün alternativlik yoxdur, düzgün texniki siyasət aparılmır. İnformasiya təhlükəsizliyi üçün təhdidlər qalır.”

 

Onun sözlərinə görə, NRYTN-nin bəzi bölgələrə ümumiyyətlə fiber-optik magistral xətlər çəkmədiyi indi məlum olur: "Təsəvvür edin ki, NRYTN inhisarçılıqda saxladığı internet xidmətlərini DeltaTelecoma məxsus infrastruktur üzərindən təqdim edirmiş.

Bu bölgədə də digər özəl provayderlərin müştəriləri Aztelekom tərəfindən sadəcə "oğurlanıb".

Həmin müddətdə Azercell dövlət mobil operatorunun da mobil interneti işləməyib. Digər operatorlar isə normal fəaliyyət göstərib”.

Chip.az

© Materiallardan istifadə edərkən hiperlinklə istinad olunmalıdır