Göz qırparaq zoom edə bilən linza istehsal edildi

  • 29 İyul 2019

Elm insanları kiçik göz hərəkəti ilə idarə edilə bilən robot texnikası linza inkişaf etdirib.
Bu linza göz yummaqla görüntünü yaxınlaşdırıb uzaqlaşdırır.

Chip.az xəbər verir ki, tədqiqatçılar ən sonunda insan gözünü robot texnikası olaraq da inkişaf etdirəcək linzalar istehsal etməyi bacardılar. Bu linzalar insan gözündəki təbii elektrik siqnallarını qəbul edərək reaksiya verir. Linzalar gözlər bağlı olarkən belə işləyir. 
 
 Linzalar San Diegodakı Kaliforniya Universitetindəki tədqiqatçılar tərəfindən inkişaf etdirilib. Elektro-okülografik siqnal adı verilən və gözdə yaranan potensial elektrik cərəyanını istifadə edən linza bu axında baş verən dəyişikliyə görə reaksiya verir. Tədqiqatın başındakı adlardan olan Shengqiang Cai, etdiyi açıqlamada bir çox adamın görmədikləri anlarda belə göz kürələrini hərəkət etdirdiklərini və elektro-okülografik siqnallar istehsal etdiklərini deyir.
 
 Linza elektrik cərəyanı veriləndə genişlənən polimerlərdən hazırlanıb. Linza gözü bürüyən 5 elektrod tərəfindən nəzarət edilir. Bu elektrodlar əzələ kimi hərəkət edir. 
 
Tədqiqatçılar bu texnologiya sayəsində gələcəkdə daha inkişaf etmiş protez gözlər, ya da kameralar hazırlayacağına inanır. Bu kameralar təkcə gözlə nəzarət ediləcək. Linza ilə əlaqədar olaraq yazılan məqalədə sistemin gələcəkdə inkişaf etmiş vizual protezlər, nizamlanan eynəklər və uzaqdan idarə edilə bilən robotlar üçün mühüm addım olacağı qeyd olunub.

Nigar Həsənova

© Materiallardan istifadə edərkən hiperlinklə istinad olunmalıdır