Animasiya studiyasında yanğın baş verdi: ölən və yaralananların olduğu bildirilir!

  • 18 İyul 2019

Yaponiyada  yerləşən məşhur anime studiyası - Kioto animation-da yanğın baş verdi

Yaponiyanın aparıcı animasiya studiyalarından olan Kioto Animation, bu gün səhər saatlarında yanmağa başladı. Binanı yandırdığı düşünülən bir nəfər saxlanılıb.

Chip.az bildirr ki, Yaponiyada bir çox animasiya və anime layihəsi həyata keçirən, sahəsində ölkənin ən məhşur adları arasında yer alan Kioto Animation, bu gün səhər saatlarında yanmağa başladı. İlk məlumatlar, binanın kimliyi açıqlanmayan biri tərəfindən yandırılması istiqamətindədir.

Hadisə şahidlərinin ifadələrinə görə 40 yaşlarında olan şübhəli, binaya yandırıcı mayelər töküb və yanarkən görülüb. Hadisə şahidləri həmin şəxsin "Ölün"! -deyə qışqırdığını söyləyirlər. 41 yaşında və kişi olduğu deyilən şübhəli, iddialara görə, binanı yandırdığını qəbul edib.

Xəbərlərə görə, şirkətin 38 əməkdaşı, bəziləri ciddi olan yaralanmalar səbəbilə xəstəxanaya qaldırılıb. 9 insanın şüurunun qapalı olduğu iddia edilərkən, Kioto Shimbuna görə bir nəfər həyatını itirib. Kyotonews-in ingilisdilli versiyasına görə isə ilk yardım briqadaları, ən az 10 adamın həyatını itirdiyini söyləyirlər.

Yanğın, Kioto Animation-un 1 Saylı studiyalarında çıxıb. Şirkətin mərkəzi isə Kiotonun Uji City adlı bölgəsində yer alır. İki binanın arasında uzun bir məsafə yoxdur. Yaponiyada yayımlanan xəbərlərə görə hələ də binanın içində qalanlar var və 20 nəfərin aqibəti bilinmir.

Hadisə ilə bağlı çəkilən kadrlara aşağıdakı linkə tıklayaraq, izləyə bilərsiniz:

https://www.youtube.com/watch?v=hy-Ds80P49s

Qeyd edək ki, Kioto Animation, xüsusilə Lucky Star, Melancholy of Haruhi Suzumiya, k-OH, Miss Kobayashis Draqun Maid, Free! Kimi animasiyaları tanınır.

Sevinc Baba-zadə

© Materiallardan istifadə edərkən hiperlinklə istinad olunmalıdır