Azərbaycanda kibertəhlükəsizliklə bağlı sorğuların sayı azalıb

  • 02 İyul 2019

Bu ilin iyun ayında Azərbaycanda kompüter təhlükəsizliyi ilə bağlı dövlət strukturları tərəfindən açılmış sorğuların sayı may ayı ilə müqayisədə 22,2% azalaraq 269 ədəd təşkil edib.

Chip.az APA-ya istinadən məlumat verir ki, iyun ayı ərzində mərkəzə daxil olan sorğulardan 90,3%-nə baxılıb və təmin edilib. 

Mərkəz tərəfindən informasiya təhlükəsizliyi üzrə audit keçirilərək, müvafiq dövlət qurumlarına 18 hesabat təqdim edilib.

Cari ilin iyun ayında Azərbaycan internet məkanında dövlət qurumlarına aid 5 subdomen qeydiyyatdan keçib.

Ümumilikdə, cari ilin yanvar-iyun ayının nəticələrinə görə, kompüter təhlükəsizliyi ilə bağlı müraciətlərin ümumi sayı 1 876 təşkil edib. Qeyd olunan dövr ərzində ümumi sorğunun 93,7%-i baxılıb və təmin edilib. Bu müddət ərzində aparılan informasiya təhlükəsizliyinin yoxlanışı əsasında 119 hesabat hazırlanaraq müvafiq strukturlara göndərilib. Yanvar-iyun ayları ərzində Azərbaycanın internet seqmentində 22 domen və 41 subdomen qeydiyyata alınıb.

Chip.az

© Materiallardan istifadə edərkən hiperlinklə istinad olunmalıdır