Youtube şərhləri gizlədəcək

  • 20 İyun 2019

Video yayımında demək olar ki hakimiyyəti ələ keçirən və hər gün milyonlarla insan tərəfindən ziyarət edilən YouTube videolara gələn şərhlərlə bağlı tədbir görməyə hazırlaşır.

Chip.az xəbər verir ki, platformadakı şərhlərə dair ürəkaçan bir tarixi olmayan YouTube gələn mənfi rəylərin qarşısını almaq üçün yeni bir xüsusiyyət əlavə edib. Bu xüsusiyyət ilə, istifadəçilər videolardakı şərhləri görməyəcək və bu xüsusiyyət Android tətbiqində default olaraq təyin olunacaq.

XDA Developers tərəfindən təqdim olunan xüsusiyyət hazırda Hindistanda istifadə olunur. “Bəyən” və “Bəyənmə” düymələrinə basdığınız zaman şərhləri görə bilərsiniz. Bu xüsusiyyət gözlənilməz şərhlərlə qarşılaşmaq ehtimalını azaldır.

Mart ayında YouTube yetkinlik yaşına çatmayanların videolara dair şərhlərini blok etdi. Daha geniş auditoriya üçün şərhlərin gizlədilməsi  hələki məlum olmasa da xüsusiyyətin tədricən yayılması gözlənilir.

Aida İSAQ

© Materiallardan istifadə edərkən hiperlinklə istinad olunmalıdır