Selena Gomez Instagram rəhbərini məyus etdi

  • 19 İyun 2019

Instagramın rəhbəri Adam Mosseri Selena Gomezin sözü gedən proqramı telefonundan sildiyi üçün məyus olduğunu söyləyib.

Chip.az xəbər verir ki, bununla yanaşı Gomezin Instagram təcrübəsinin ortalama istifadəçi ilə bərabər olmadığını da sözlərinə əlavə edib.

152 milyon izləyicisi olan Selena Gomez, Cristiano Ronaldo və Ariana Grandedən sonra üçüncü yerdədir. Ötən həftə Gomez tok şouda öz yaxşılığı üçün tətbiqi sildiyini vurğulayıb.

Gomez ictimai medianın zehni sağlamlığa təsirləri haqqında danışaraq “Sosial media mən də daxil olmaqla gənclərin bütün zamanını alır. Həddindən artıq bağlılıq yaradır. Bu vəziyyət mənə təsir göstərməyə başladı” deyə bildirib.

Başqalarının telefonlarından öz Instagram hesabını yoxlayan Gomez:

“Özümü stresli hiss edirəm. Vücudum haqqındakı düşüncələrim dəyişdi”

BBC Radio 1ə danışan Mosseri bir tərəfdən məyus olsa da Selena Gomezin izləyici sayının çox olduğunu nəzərə alaraq vəziyyəti anlayışla qarşıladığını qeyd edib. Eyni zamanda Selena Gomezin platformanın daha yaxşı şəkildə necə qurulacağı barədə məsləhət almağından məmnun olacağını da ifadə edib.

Aida İSAQ

© Materiallardan istifadə edərkən hiperlinklə istinad olunmalıdır