Müxtəlif sektorlar üzrə şirkət saytları analiz edilib

  • 10 İyun 2019
  • 278

Müştərilərin maarifləndirilməsi istiqamətində fəaliyyətini davam etdirən "Marcom" Marketinq və Kommunikasiya şirkəti Google axtarış sisteminin etdiyi son dəyişikliklərdən sonra bir çox sektorlar üzrə öndə gedən saytlarda olan vəziyyəti araşdırıb.

Chip.az xəbər verir ki, şirkətin rəqəmsal marketinq departamentinin SEO üzrə mütəxəssisi Tural Rüstəmlinin sözlərinə görə, saytlarda çox ciddi boşluqlar mövcuddur.

İlkin araşdırmaların nəticələri göstərir ki, saytların bir çox qismi Google tərəfindən dəstəklənməyən elementlərdən ibarətdir.

“Ümumiyyətlə bazarda fəaliyyət göstərən şirkət saytlarının 90%-i Google axtarış sistemi tərəfindən dəstəklənmir. Bunun bir çox səbəbləri var. Əsas səbəblərdən biri saytlarda olan kontentin azlığı və unikallığının olmamasıdır. Şirkətlərin çox qismi saytlarında öz fəaliyyəti, satdığı məhsul və göstərdiyi xidmət barədə kifayət qədər məlumat təqdim etmirlər. Bundan əlavə proqramlaşdırma zamanı yol verilən xətalar, kodların təkmil olmaması, hazır dizaynlardan istifadə, saytların mobil versiyalarında olan boşluqlar sonradan saytın Google tərəfindən indekslənməsinə ciddi maneçilik törədir. Məhz buna görə də biz bir çox hallarda SEO Optimizasiya xidmətindən yararlanmaq istəyən şirkətlərin saytlarını təkmilləşdirməkdən məcbur qalıb imtina etməli oluruq.”

Məsələnin gələcəkdə yarada biləcəyi çətinliklərə gəlincə isə şirkətin icraçı direktoru Ceyhun Fərzəliyev bildirdi ki, sözügedən boşluqlar nəticə etibarilə bir çox şirkətlərdə marketinq və satış departamentində çalışanların işinə ciddi zərbə vurur.

“Biz bazarı sağlamlaşdırmaq və şirkətlərin rəqəmsal dünyaya keçidini sürətləndirmək məqsədi ilə bu ilin yanvar ayında bazara marketinq audit adlı bir xidmət təqdim etdik. Bu xidmət üzrə müraciət edən şirkətlərin əksəriyyəti saytlarının düzgün işləmədiyini, google tərəfindən dəstəklənmədiyini və qarşı tərəfin onları özlərindən daha çox asılı vəziyyətdə saxladıqlarını qeyd edirlər. Bu isə öz növbəsində onu göstərir ki, bazarda öz işinə peşəkarlıqla yanaşanlardan savayı, bu işi əlavə gəlir mənbəyinə çevirib şirkətlərə düzgün xidmət göstərməyənlər də mövcuddur. Müraciət edənlərin bir çox qisminə dəstək olmaq istəsək də, çox təəssüf ki, hamıya bu dəstəyi göstərə bilmirik. Buna səbəb isə şirkətlərin saytlarını təkmilləşdirmək üçün yenidən büdcə ayıra bilməməsi və bu sektora olan etibarının əvvəlki üzləşdiyi uğursuzluqlara görə itməsidir. Lakin istənilən halda həmin şirkətləri maarifləndirir, bu kimi hallarla üzləşməmələri üçün hansı məqamlara diqqət etmələrini izah edirik.”

Chip.az

 

 

© Materiallardan istifadə edərkən hiperlinklə istinad olunmalıdır

Ümumi xəbər

Prezident İlham Əliyev Türkiyənin nəqliyyat və infrastruktur nazirinin başçılıq etdiyi nümayəndə heyətini qəbul edib

 Dövlətimizin başçısı Türkiyənin nəqliyyat və infrastruktur naziri Mehmet Cahit Turhanın XXIV “Bakutel” Azərbaycan Beynəlxalq Telekommunikasiya, İnnovasiya və Yüksək Texnolo

Sərnişin təyyarəsi okeana düşdü!

CHİP.AZ Yenicag.az saytına istinadən xəbər verir ki, Təyyarə Çuuk adasındakı Veno beynəlxalq hava limanının uçuş-enmə zolağından 150 metr aralıda suya düşüb.

Təyyarə

Şagirdlərin elektron yerdəyişməsi prosesi başlayır

Avqustun 15-də saat 15:00-dan etibarən şagirdlərin elektron yerdəyişməsi prosesinə start veriləcək.

Şagird yerdəyişməsinin elektronlaşdırılması üzrə s

Samsung xəstəlikləri müəyyən edən köynəklər istehsal edəcək

Chip.az bildirir ki, pnevmoniya, bronxit və xroniki ağciyər xəstəlikləri də daxil olmaqla bir çox xəstəliklərə diaqnoz məhz bu köynəklər vasitəsi ilə qoyula bil

Zenbook S13: Ən incə çərçivəli ekrana sahib notbuk, CES-də təqdim edilir

2019-cu il CES-də (Consumer Electronics Show) şirkətlər arasında yer alan ASUS, dünyanın ən incə çərçivə ilə 97% ekran görüntüsünə sahib, yeni Zenbook S13-ü nümayiş e