PUBG-a oyun balansını dəyişdirmək üçün yeni funksiyalar əlavə olunub

  • 07 İyun 2019

PUBG oyununun sevimli xəritəsi Erangel oyuna əlavə edilən ilk xəritə idi.

Chip.az xəbər verir ki, oyunun icraçı prodüseri TS Jang mart ayından etibarən üzərində işlədiyi yeniləmə ilə oyunçulara məlum olan və sevdiyi Erangeldə əvvəlki detalları müəyyən qədər saxlamaqla müxtəlif dəyişikliklər edildiyini bildirib.

Oyuna əlavə olunacaq yeni xüsusiyyətlərdən danışan Jang  yayımlanan bir videoda yenilənmənin məzmunu haqqında açıqlama verib.

https://youtu.be/16aDCt7rxDY 

Əlavə ediləcək yeni xüsusiyyətlərə strukturların kənarlarına yapışmaq, silah balansında dəyişikliklər və yeni vasitələr daxildir. Eyni zamanda yeni Survivor Pass-a start verəcəklərini qeyd edən Jang yenilikləri müəyyən edilmiş vaxtda yayımlayacaqlarını  vurğulayıb.

Erangeldəki dəyişikliklər PC test serverlərində göstəriləcək. Test serverlər Türkiyə saatıyla 2019-cu il  07-00-da fəaliyyətə başlayacaq. 8 iyun tarixinə qədər yalnız PUBG rəsmi tərəfdaşları otaqlar aça biləcək, amma buraya bütün oyunçular qoşula biləcəklər. İyunun 8-dən sonra icma oyunları keçiriləcək və test zamanı yalnız "squad" rejimi oynanacaq.

PUB Sezon 4 bu ay başlayacaq.

Aida İSAQ

© Materiallardan istifadə edərkən hiperlinklə istinad olunmalıdır