Google Huawei ilə bağlı geri addım atdı

  • 31 May 2019

90 gün davam etməli olan gözləmə qərarı olmasına baxmayaraq “Huawei Mate 20 Pro”nu “Android Q Beta” siyahısından çıxaran “Google” bu gün cihazı yenidən sıralamaya əlavə etdi.

Chip.az xəbər verir ki, “Android Q” hazırda “Google” və bir çox “OEM” cihazlarında beta prosesindədir. Lakin “Huawei”nin yaşadığı problemlərin ortasında “Mate 20 Pro” “Android Q Beta” səhifəsindən çıxarıldı.

Məlum olduğu kimi ABŞ " “Huawei”ni milli təhlükəsizliyi təhdid etməsi səbəbi ilə qara siyahıya salmışdı. Nəticədə bir çox ABŞ şirkəti “Huawei” ilə işlərini dayandırdı. “Google” da bu şirkətlər arasında yer alırdı.

“9to5Google”nin məlumatına görə “Google” səssizcə “Android Q Beta” səhifəsində aradan qaldırılan “Huawei Mate 20 Pro”nu çıxarılmazdan əvvəlki  formasında yenidən siyahıya əlavə edib.

Tam siyahıya buradan baxa bilərsiniz.

Atılan bu geri addım “Huawei”yə verilən 90 günlük lisenziya müddətinin mövcud məhsullar üzərindən davamı ilə bağlı olduğu ehtimal olunur. Çox güman ki, bu betada davam etməyəcək. Bu “Huawei”nin cari cihazlarının “Android Q” versiyası ilə yenilənə biləcəyinə dair gözəl bir işarədir.

Aida İSAQ

© Materiallardan istifadə edərkən hiperlinklə istinad olunmalıdır