OnePlus Apple ve Samsung-a dair müqayisəli reklam ekranlaşdırıb

  • 28 May 2019

Müqayisəli reklamlar həmişə insanlara maraqlı gəlir. Əlbəttə, reklamın diqqət cəlb etməsi yaxşı hazırlanmasından asılıdır. “OnePlus”un yeni reklamı onlardan biridir.

Chip.az xəbər verir ki, “OnePlus”un ən vacib xüsusiyyətlərindən biri 6.7 düymlü AMOLED ekrana sahib olmasıdır. 1440p gücə malik bu ekranın en boy nisbəti 19.5: 9-dur.  Və video izləmək üçün ideal şəkildədir. Bundan başqa 90Hz yeniləmə sürəti ilə olduqca axıcı oyun təcrübəsi təklif edir.

Beləliklə bu ekran nədir? Ekranda heç bir çuxur, heç bir kamera dəliyi, ekranın bütövlüyünü bölən bir detal yoxdur. Reklamda bu kimi dəliklərin şəkillərinə baxarkən vizual məzmunla maraqlanarkən bunun nə qədər narahatlıq vercəyinə diqqət edilib.

 

 

“Oppo Reno” kimi “OnePlusz Pro 7”nin də pop-up adlı açıla bilən kamerası var. Bu kamera ilə 16 meqapikselli görüntü çəkmək mümkündür. Beləliklə, ekranda dəlik olmadan telefon istehsal edilə bilər. “OnePlus”un avantajı buna bənzər telefonların daxil olmadığı və ya daxil ola bilmədiyi ABŞ kimi perspektivli bazara çatmağı bacarmasıdır.

“OnePlus 7 Pro”nun ABŞ-da satışa çıxarılacaq versiyası 8 GB RAM və 256 GB yaddaş ilə təmin olunacaq. Telefon 699 dollara təklif olunacaq. Qiymət telefon modelindən asılı olaraq dəyişə bilər.

Sözü gedən  15 saniyəli reklamı izləyə bilərsiniz:

https://youtu.be/fE7zJSDxyRc

Aida İSAQ

© Materiallardan istifadə edərkən hiperlinklə istinad olunmalıdır