WhatsApp qaranlıq rejimi yenidən aktivləşdirdi

  • 15 May 2019

Chip.az xəbər verir ki, dünyanın ən populyar mesajlaşma proqramı olan “WhatsApp”ın qaranlıq rejimin aktiv olunması üzərində işlər apardığı heç kimə sirr deyil. Şirkət bir müddət öncə tənzimləmələr menyusuna qaranlıq rejim funksiyasını əlavə etsə də 2.19.123 versiyasında sözü gedən rejimə aid bütün  kodları aradan qaldırmışdı.

“WhatsApp” Android beta tətbiqinin 2.19.139 versiyasına qaranlıq rejimin kodlarını yenidən əlavə etdi. Bu dəfə qaranlıq rejimə zənglər, “hekayə” bölməsi və söhbətlər də daxildir. Ancaq xüsusiyyət üzərində hələ də təkmilləşdirilmə işləri aparılır.

Paylaşılan görüntülərə görə WhatsApp ekranı tünd qara rəngə boyamaq əvəzinə tünd boz arxa fonun  tətbiq olunması üzərində işləyir. Bu rəng palitrası OLED ekran istifadəçiləri üçün yaxşı seçim hesab olunmur. İnsanların adları kimi mətn hissələri də hələ yaşıl rəngdə görünür. Ancaq son versiyada ağ rəngdə olması gözlənilir.

Aida İSAQ

© Materiallardan istifadə edərkən hiperlinklə istinad olunmalıdır