Sürücülərin çox hissəsi demək olar ki, “Maşına kimsə minsəydi söhbət edərdik” deyə gözləyərək bunu işinin vacib cəhətlərindən biri olduğunu hesab edir. Bəzi insanlar bunu xoşlasa da digər qrupun nümayəndələri  bunu xoşlamırlar.

Chip.az xəbər verir ki, “Uber”in “Uber Black” və “Uber Black SUV” istifadəçiləri nəqliyyat vasitələrini çağırmadan əvvəl sürücülərinin danışmağa nə qədər meyilli olub-olmadığını seçə biləcəklər. Belə ki, üç seçim şansı olacaq:

"Mən səssiz qalmağa üstünlük verirəm"

"Mən söhbət etməyi sevirəm”

“Fərqi yoxdur”

Şəxsin seçimi Uber sürücülərinə də çatdırılacaq.

“Uber”in yeni xüsusiyyətinin tətbiqi şirkətin daha bahalı xidmətlərinə olan tələbatı artıracağı gözlənilir. Yolda yatmaq, telefondan istifadə etmək və ya avtomobildə dincəlmək istəyənlərin daha bahalı xidmət servisinə yönələcəkləri düşünülür. Digər tərəfdən bu xüsusiyyət sürücüləri susmağa məcbur etmir, yalnız sərnişinin hansı xarakterdə olduğunu və hansı seçimə  üstünlük verdiyini bilməyə kömək edir.

“Uber”in yeni xüsusiyyəti istifadəçiləri avtomobilə zəng etmədən əvvəl seçimlərini tərtib etməyə imkan verir. Vasitə çağırıldıqdan sonra bu seçimlər dəyişdirilə bilməz.  Avtomobilin içərisinin isti və ya soyuq olmasını da seçmək mümkündür.

“Uber Black” sürücüləri sifariş olunduqdan sonra ləğv etmədən öncə  15 dəqiqə gözləyirlər. Digər tərəfdən 5 dəqiqədən sonra sürücülər kompensasiya ediləcək və gecikmə hallarında tariflər kəsilməyə davam ediləcək. Sürücülər texniki olaraq istənilən vaxt gözləməni ləğv edə biləcəklər.

“Uber Black” sərnişinlərinə mükafat telefon dəstəyi veriləcək. “Uber”  “Uber Black” üçün qeydiyyatdan keçən sürücülərin daha yeni və gözəl avtomobilləri olduğuna diqqət yetirəcək. Qaydaları isə ölkələrdəki mərkəzlər deyil əsas qərargah təyin edəcək.

“Uber”dən  açıqlama verilməməsinə baxmayaraq bu xüsusiyyətlərin bütün beynəlxalq "Uber" xidmətlərinə paylanması gözlənilir.

Aida İSAQ