Elon Musk interneti 40 dəfə sürətləndirəcək peykin şəkilini paylaşıb

  • 13 May 2019

Chip.az xəbər verir ki, “SpaceX Falcon” roketində təşkil edilən 60 peykin şəkillərini paylaşan Elon Musk onlar haqqında yeni məlumatları təqdim edib.

Elon Muskin sözlərinə görə “SpaceX” çərşənbə günü raketini buraxmağı planlaşdırır. Əlavə olaraq Musk raket işə düşənə qədər daha çox məlumatın veriləcəyini də qeyd edib.

İlk dəfə 2015-ci ildə açıqlanan plan tezliklə 12.000 peykdən ibarət bir donanmaya çevrildi. Beləliklə bu proses planlara uyğun şəkildə davam edərsə dünya üzrə internet 40 dəfə daha sürətli olacaq. Peyklər orbitdə olduğuna görə insanlar yaşadığı yerdən asılı olmayaraq yüksək internet sürətini əldə edə biləcək.

Bundan başqa “SpaceX” və Elon Musk internet xidmətinin qiyməti ilə bağlı sualları hələki  cavablandırmayıb.

Elon Musk bu uçuşun bir növ sınaq xarakterli olduğunu,  dünya üzərində ortalama internet şəbəkəsini təmin etmək üçün  daha 12 uçuşun lazım olduğunu vurğulayıb

Aida İSAQ

© Materiallardan istifadə edərkən hiperlinklə istinad olunmalıdır