Yeni onlayn radio stansiya fəaliyyətə başlayıb

  • 10 May 2019

Chip.az xəbər verir ki, yeni onlayn radio stansiya “LIVE AND DIGITAL” tərəfindən yaradılıb. https://www.liveanddigital.net/. “LIVE AND DIGITAL” dinləyicilərə yerli və beynəlxalq DJ və musiqiçilərin canlı çıxışları ilə yanaşı fәrqli janrlarda musiqi seçimini təqdim edir. Radionun tәsisçisi bəstəkar, musiqi prodüseri Anar Yusufov (Anar Keytarman) bildirib ki, radio yaratma ideyası onda təsadüfən yaranıb:

"Öz studiyamın ətrafına baxdım və İnternet radio stansiyasını yaratmaq üçün hər şeyin olduğunu başa düşdüm" deyə  Anar Yusufov qeyd edib.

“LIVE AND DIGITAL”da başqa radiostansiyalarda olmayan musiqilər səsləndiriləcək. Ölkəmizdə FM bandı təxminən eyni formatda,eyni musiqi yayımlayan müxtəlif radio stansiyaları ilə doludur. Radio elektron, caz, və digər musiqi dinləyicilərinin zövqünә oxşuyacaq. Bakıda çoxlu sayda istedadlı musiqiçilər, DJ-lər, ayrıca fәaliyyәt göstәrәn elektron musiqi ifaçıları var. Beləliklə “LIVE AND DİGİTAL” janrdan və yaşdan asılı olmayaraq istənilən musiqi parçalarının yayımlana bilәcәyi platforma olacaq. “LIVE AND DİGİTAL” yalnız musiqi, sənətinə yönəldən, musiqiçilərin format məhdudiyyətləri ilə qarşılaşmayacağı və mövcud standartlardan kənar radio stansiyadır.

Chip.az

© Materiallardan istifadə edərkən hiperlinklə istinad olunmalıdır