Nazirliyin həmtəşkilatçılığı ilə keçirilən müsabiqənin qalibləri mükafatlandırılıb

  • 08 May 2019
  • 49

Chip.az xəbər verir ki, ümumi təhsil müəssisələrinin IX-XI sinif şagirdləri arasında keçirilən müsabiqə Təhsil Nazirliyi, Heydər Əliyev Fondu, Yeni Azərbaycan Partiyası, Nəqliyyat, Rabitə və Yüksək Texnologiyalar Nazirliyi, Azərbaycan Təhsil İşçiləri Azad Həmkarlar İttifaqı Respublika Komitəsi tərəfindən təşkil olunub.

Təhsil naziri Ceyhun Bayramov çıxış edərək bu müsabiqənin müstəqil Azərbaycan dövlətinin qurucusu, dahi siyasətçi və qüdrətli dövlət xadimi Heydər Əliyevin zəngin irsinin, şərəfli ömür yolunun və fəaliyyətinin gənc nəsil tərəfindən davamlı olaraq öyrənilməsi məqsədilə keçirilən kütləvi və mühüm tədbirlərdən biri olduğunu söyləyib, müsabiqənin qaliblərini təbrik edərək onlara uğurlar arzulayıb.

Baş nazirin müavini, Yeni Azərbaycan Partiyasının sədr müavini-icra katibi Əli Əhmədov bildirib ki, bu gün ölkədə təhsilin inkişafına əhəmiyyətli yer verilməsi, bu sahədə genişmiqyaslı islahatların həyata keçirilməsi Azərbaycanın uğurlu gələcəyinin təminatına xidmət göstərir.

"Ən yaxşı təqdimat" müsabiqəsinin əhəmiyyətini qeyd edən Əli Əhmədov ümummilli lider Heydər Əliyevin Azərbaycan xalqı və dövləti üçün göstərdiyi misilsiz xidmətlərdən danışıb. Qeyd edib ki, bu müsabiqə ulu öndər Heydər Əliyevin zəngin irsinin mənimsənilməsi, gənclərin dövlətçilik məfkurəsinin formalaşması baxımından əhəmiyyətli rol oynayır.

Daha sonra Azərbaycan Təhsil İşçiləri Azad Həmkarlar İttifaqı Respublika Komitəsinin sədri, Milli Məclisin deputatı Səttar Möhbalıyev çıxış edərək müsabiqənin gənclərin bilik və bacarıqlarının artırılmasına töhfə verdiyini bildirib. O, müsabiqə iştirakçılarının komitə tərəfindən mükafatlandırılacağını deyib.

Nəqliyyat, Rabitə və Yüksək Texnologiyalar nazirinin müavini Elmir Vəlizadə ənənəyə çevrilən bu müsabiqənin gənclərin milli-mənəvi və ümumbəşəri dəyərlərə hörmətlə yanaşmasında xüsusi rol oynadığını qeyd edib. Elmir Vəlizadə ölkəmizdə gənclərin inkişafının daim diqqət mərkəzində olduğunu vurğulayıb.

"Ən yaxşı təqdimat" müsabiqəsinin nəticələrinə əsasən, 6 nəfər birinci, 11 nəfər ikinci, 18 nəfər üçüncü dərəcəli diplomla, 27 nəfər isə tərifnamə ilə təltif olunub.

Chip.az

© Materiallardan istifadə edərkən hiperlinklə istinad olunmalıdır

Avtomobil

General Motors-un yeni modeli Corvette-nin satışa buraxlacağı tarix bəlli oldu

Chip.az bildirir ki, General MotorsCorvette-ni rəsmi şəkildə elan etdi. Avtomobil bu ilin 18 iyul tarixində alıcıların öhdəsinə bu

Tesla şirkəti reaktiv mühərrikli elektromobilin testinə hazırlaşır

  İdman elektromobili olan Tesla Roadster-in satış tarixinin məlum olmasından 1 ay sonra Elon Musk öz Twitterhesabında yeni iddialı elektromobil modelinin testi barəsində m

Bakıya yeni "Galendwagen" gətirildi - QİYMƏT, GÖSTƏRİCİLƏR

Sentyabrın 21-də Bakıda «Elektra hall»da Mersedesin yeni G-class-nın («Galend

Wayve-nin öz topladığı baza ilə mükəmməl idarə imkanına sahib dünyanın ilk avtonom avtomobili: (video)

Böyük avtomobil və texnologiya şirkətləri illərdir çatmaq istədikləri məqsədlərdən biri məhz avtonom idarə olunan nəqliyyat vasitələrini istehsal edə bilməkdir. Bunun üçün

BlackBerry avtonom avtomobillərin istehsalına 310 milyon dollar ayırıb

Chip.az bildirir ki, şirkət QNX platformasına 310 milyon dollardan artıq sərmayə yatıracağını açıqlayıb.

BlacBerry Limited avtomobil mərkə