Dünyanın ilk 100 MP şəkil çəkə bilən mobil telefonu təqdim olunub

  • 23 Aprel 2019

Həftələrlə davam edən müzakirələrdən sonra Çin texnologiya nəhəngi  “Lenovo Z6 Pro” smartfonunu rəsmi olaraq təqdim etdi.

Chip.az xəbər verir ki, “Lenovo Z6 Pro”nun ən diqqətə layiq xüsusiyyəti arxa tərəfində dörd kamera ilə qurulmasıdır. Cihazın əsas kamerası 48 meqapiksellik görüntü qeydə alma imkanına sahip olsa da, “Qualcomm Snapdragon 855” işləmə prosessoru və şəkil emal bölməsi “Lenovo Z6 Pro”nun 100 meqapikselli şəkillər çəkməsini təmin edir.

Cihazın ön hissəsindəki  selfie və arxa tərəfindəki dörd kamera süni intelektlə idarə olunur. Bu sahə tanınması kimi funksiyaları yerinə yetirərkən optimal kamera parametrlərinin avtomatik olaraq yaradılmasına imkan verir. Ekranda biometrik təhlükəsizlik cihazı kimi quraşdırılmış barmaq izi skaneri də var.

“Lenovo Z6 Pro”nun xüsusiyyətləri

Qualcomm Snapdragon 855 prosessoru, Adreno 640 GPU

6 GB, 8 GB, 12 GB RAM / 512 GB daxili yaddaş saxlayır

HDR10 dəstəyi ilə 6.4 düymlük Full HD + AMOLED ekran

48 MP, f / 1.8 əsas kamera + 16 MP geniş açılan lens + 8 MP telefoto lens + 2 MP ToF dördüncü arxa kamera

32 MP ön kamera

4G VoLTE, Wi-Fi, Bluetooth 5.0

Android 9.0 Pie

4,000 mAh batareya

Məhsulun qara və mavi kimi iki rəng seçimli modellərinin qiyməti vergi istisna olmaqla aşağıdakı kimi olacaq:

6 GB RAM + 128 GB yaddaş – 734,86 manat

8 GB RAM + 128 GB  yaddaş – 760,03 manat

8 GB RAM + 256 GB yaddaş – 962,76 manat

12 GB RAM + 512 GB yaddaş – 1267 manat

Aida İSAQ

© Materiallardan istifadə edərkən hiperlinklə istinad olunmalıdır