Tesla digərlərindən 21 qat güclü olan çip istifadəyə verdi

  • 23 Aprel 2019

Chip.az xəbər verir ki, 2018-ci ilin son rübündə Elon Musk tərəfindən elan olunan ancaq inandırıcı görünməyən çiplərin təqdimatı tamamlandı. Elon Muskun sözlərinə görə Model S və Model X-də sözü gedən məhsulun artıq bir ay istifadə edildiyini nəzərə çatdırıb.

İnvestorlar  günü münasibətilə ABŞ-da təqdim olunan bu çip Tesla komandası üçün dünyanın ən yaxşısı hesab olunur. Məhsulun əvvəllər istifadə edilən  NVIDIA tranzistorlarından 21 qat daha güclü olduğu bildirilir. Bu gücün hazırlanması üçün xərclənən pul xərclərin 80 faizini təşkil edir. Silisium tərkibli çip saniyədə 36 trilyon iş yerinə yetirə bilər. Çipin enerji istehlakının orta hesabla 65 Watt olması gözlənilir.

Samsung tərəfindən istehsal edilən çip bütün əməliyyatları idarə etməyə kömək edir. Hətta bu sistem avtomobilin aktivləşdirilməsindən əvvəl edilən hesablamaları müqayisə edə bilir və zəruri hallarda ehtiyat hesablamalarını həyata keçirir.

Elon Musk bu çipin bütün Tesla modellərində mövcud olacağını və müvafiq proqram üzərində işlərin davam etdiriləcəyini bildirib.

Aida İSAQ

 

© Materiallardan istifadə edərkən hiperlinklə istinad olunmalıdır