Şri-Lankadakı terror hadisələrinin ardından sosial media platformalarına giriş əngəlləndi

  • 22 Aprel 2019

Chip.az bildirir ki, Xristianların ən müqəddəs həftə sonu olan Pasxa (Easter) vaxtında Şri-Lankadakı birdən çox kilsə və məbədə edilən hücumlar, yüzlərlə adamın ölümünə səbəb oldu. Şri-Lanka prezident katibi bu hadisələrdən sonra verdiyi bəyanatda yanlış xəbərləri dayandırmaq məqsədilə sosial media saytlarının əngəllənməsinə qərar verildiyini deyib. Hökumət, hücumlarla bağlı araşdırmalar başa çatandan sonra bu əngəlin qaldırılacağını da bildirib.

Elm mövzusunda yazıları olan Şri-lankalı müəllif Nalaka Gunawardene, atdığı Tweette-də Whatsapp-dan da istifadənin mümkün olmadığını bildirib. Lakin, bəzi insanlar Youtube-dən istifadə edə bilmədiyi halda Whatsapp-a girişlərinin olduğunu bildiriblər.

Facebook sözçüsü Ruchika Budhraja, etdiyi açıqlamada bunları söylədi: "Qəlbimiz  bu dəhşətli hadisədən əziyyət çəkənlər və onların ailələri ilə birlikdədir. Facebook qrupu hökumət ilə birlikdə çalışaraq qaydaları pozan paylaşımları müəyyən etmək və qaldırmaq üçün çalışır. Hökumətin sosial media platformalarını müvəqqəti olaraq əngəlləndiyinin fərqindəyik. İnsanlar dostları ilə ünsiyyət qurmaq üçün xidmətlərimizi istifadə edirlər və biz də bu kədərli proses boyu xidmətlərimizi davam etdirməyə, cəmiyyətə və ölkəyə yardımçı olmağa çalışacağıq."

Ölkədə baş verən və yüzlərlə insanın ölümü ilə nəticələnən terror hücumlarının ardından bir çox dünya lideri də sosial mediadan terroru pisləyən fikirlərini bölüşdülər.

© Materiallardan istifadə edərkən hiperlinklə istinad olunmalıdır