Xiaomi 23 Apreldə yeni texnologiya məhsullarını təqdim edəcək

  • 22 Aprel 2019

Chip.az xəbər verir ki, bir neçə gün əvvəl Xiomi TV-də 2019-cu il yaz məhsullarının təqdimat mərasiminin keçirilməsi ilə bağlı reklam elanı yayımlanıb. Eyni zamanda sözü gedən təqdimat tədbirində Xiomi TV-nin konfrans iclası olacağı bildirilib.

Xiaomi TV-də yayımlanan reklam elanında konfrans mövzusunun "ikitərəfli sənət" olacağı qeyd edilib. Bu da komandanın yenidən dəyişəcəyini göstərir. Şirkət televiziya modellərinin qalınlığı ilə bağlı sürpriz dəyişikliklər olacağını vurğulayıb. Digər bir reklamda isə bu konfransda televiziya ilə bərabər digər yeni məhsulların da istifadəyə veriləcəyi diqqətə çatdırılıb. Beləliklə şirkət qarşıdakı günlərdə yeni ev texnoloiji cihazları ilə hərkəsi təəcübləndirməyə davam edəcək.

Bundan başqa afişaya nəzər salanda stolüstü lampaların, ağıllı tərəzilərin, səs tənzimləyici və s. kimi məhsulların yer aldığını görə bilərik. Pekində 23 aprel tarixində keçiriləcək konfransda azı 8 yeni texnologiya məhsulunun təqdimatı gözlənilir.

Aida İSAQ

© Materiallardan istifadə edərkən hiperlinklə istinad olunmalıdır