Polislər qaydaları pozan avtomobilləri uzaq məsafədən idarə edə biləcək

  • 19 Aprel 2019

Süni intellektlə birbaşa bağlı olan idarəetmə mexanizmləri hər ötən gün həyatımıza daha çox inteqrasiya etməkdə davam edir.

Chip.az  xəbər verir ki, müxtəlif sektorlarda müasir texnologiya metodları tətbiq olduğu kimi avtomobil yollarına nəzarət sisteminin idarə olunması da bu sıralamadan geri qalmadı. Belə ki, hazırlanan yeni sistem əsasında maşınların hərəkət trayektoriyaları izlənilməklə bərabər zəruri olduğu təqdirdə avtomobillərə müdaxilələr etmək də mümkün olacaq.

Kiçik çiplərin avtomobillərə yerləşdirilməsinin köməyi ilə tıxacda olan nəqliyyat vasitələrinin qeyd olunması insanların işini daha da yüngülləşdirəcək.  Eyni zamanda həmin çiplərin polis mərkəzlərinə ötürəcəyi məlumatlar əsasında avtomobillərdə qeyri-qanuni hərəkətləri qeyd olunacaq. Polis müdaxilə etməyi qərara aldığı halda avtomobillərin hərəkət sürətini artırmaq yaxud azaltmaq kimi funksiyaların daxil edilməsi sistemə əlavə özəllik gətirib. Əgər təhlükə daha yüksək olarsa polislər nəzarəti ələ alaraq nəqliyyat vasitəsində  yerləşən kameraların köməyi ilə avtomobili özləri müvafiq yerə qədər idarə edə biləcəklər. GPS-in köməyi ilə prosesin zərərəsizləşdirilməsində cavabdeh olan şəxslər müvafiq məlumatlarla təmin olunacaq.

Hazırda Amerikada sözü gedən sistem üzərində təkmilləşdirilmə işləri aparılır. Eyni zamanda mövcud sektorun daha effektiv şəkildə qurulması və inkişaf etdiriməsi üçün əsas avtomobil istehsalçıları ilə əlaqələr qurulur.

Aida İSAQ

© Materiallardan istifadə edərkən hiperlinklə istinad olunmalıdır