Alimlər özü-özünü çoxalda bilən yeni məhsul kəşf edib

  • 19 Aprel 2019

İnsanlar və digər canlılar kimi hər ötən gün inkişaf edən texnologiya aləmi yeni kəşflərlə təəcübləndirməyə davam edir.

Chip.az  xəbər verir ki, Cornell Universitetinin mütəxəssisləri həyatın əsas xüsusiyyətlərini özündə birləşdirən yeni məhsul hazırlayıblar. Sözü gedən məhsul maddələr mübadiləsini həyata keçirərək özü-özünü çoxalda və yenidən yaratmaq qabiliyyətinə malikdir. Tədqiqatçılar bu müvəffəqiyyəti canlı xüsusiyyətləri daşıyacaq maşın istehsalının təcrübələrini apararkən müəyyən etmişlər. Təcrübələrdə hüceyrələrdən və DNT-dən istifadə edilib.

DASH  adlanan bu məhsulun istehsalı üçün yaradılan DNT hüceyrələrlə  kimyəvi reaksiyalara girərərk  materialın "həyatını" davam etdirməsinə yardımçı olur. Belə ki, məhsul fəaliyyətdə olduğu müddət ərzində özünü yeniləyə, köhnəlmiş hissələrini bərpa etməyə malik olacaq.

Tədqiqatçılar açıqlamalarında yeni canlı yaratmaq kimi bir məqsədlərinin olmadığını bildiriblər. Komanda sadəcə olaraq həyat xüsusiyyətlərinin müəyyən faizini özündə daşıyacaq bir cihazın hazırlanmasına yönəlib. Professor Dan Luonın sözlərinə görə həyati xüsusiyyətləri özündə daşıyacaq bu məhsul bu günə kimi rast gəlinməyən tamamilə fərqli sistemdə təqdim olunacaq.

Dizayn hələ ibtidai olsa da bu proses daha effektli və daha canlı maşınların istehsalı üçün başlanğıc olacaq.Tədqiqatçılar məhsulun işığa həssaslığı və özü üçün qida tapmaq üsulları üzərində işləri davam etdirirlər. Aşağıdakı video linkdə tədqiqatın əsas şəxslərindən biri olan Shogo Hamada istehsal prosesini və materialın əldə etdiyi nailiyyətləri izah edir:

https://youtu.be/mbBIljwUgtM 

Aida İSAQ

© Materiallardan istifadə edərkən hiperlinklə istinad olunmalıdır