2019-cu ilin World Press Photo adını qazanan fotoşəkil bəlli oldu

  • 18 Aprel 2019

Chip.az bildirir ki, müxtəlif kateqoriyalarda gözdən keçirilən fotolardan ilinin fotoşəkili 'Sərhəddə ağlayan qız' oldu.

Hər il ənənəvi olaraq təşkil edilən World Press Photo (Dünya Mətbuat Foto) mükafatları mərasimi dünən axşam keçirildi. Jüri üzvləri tərəfindən cəmi 78.801 fotoşəkil gözdən keçirildi. Mükafat mərasimində bir çox kateqoriyada ilin ən yaxşı mətbuat mükafatına layiq görülən Meksika sərhədində ağlayan honduraslı qızın fotosu oldu. John Moore adlı foto-reporter tərəfindən çəkilən foto sosial mediada müzakirə mövzusuna çevrilən şəkillərindən biridir. Trump administrasiyasının siyasətinə qarşı olanlar tərəfindən bir çox dəfə paylaşılan fotoda kiçik qızın anası Amerika Birləşmiş Ştatları sərhəd agentləri tərəfindən nəzarətə alınır. Fotonun sosial mediyada müzakirə mövzusuna çevrilməsi nəticəsində səlahiyyətli şəxslər bu məsələ ilə bağlı açıqlama verirlər və kiçik qızın anasının yanında olduğunu və sığınma ilə bağlı məhkəmənin ardından azad ediləcəklərini bildiriblər.

İlin dünya mətbuat fotosu mükafatını alan fotoşəkili:

© Materiallardan istifadə edərkən hiperlinklə istinad olunmalıdır