Mövzusu hazırda bəlli olmayan növbəti Marvel filmi ekranlaşdırılacaq

  • 08 Aprel 2019

Chip.az bildirir ki, Avstraliyanın İncəsənət və Əlaqə naziri Mitch Fifield və New South Wales İncəsənət naziri Don Harwin tərəfindən verilən açıqlamaya görə Sidneydə yeni bir Marvel filmi çəkiləcək. Onlar filmi "Untitled Marvel Studios Feature Film" kimi təsvir edirlər.

Çəkilişlər Avstraliyanın Fox stüdyosunda və müxtəlif  bölgələrində aparılacaq. Qeyd edək ki, bu Avstraliyada ekranlaşdırılan ilk film deyil.

Fifield bildirir ki, “Thor: Ragnarok-un müvəffəqiyyətinin ardından Marvel-in Avstraliyaya qayıtması bizi həyəcanlandırır. Bu layihənin yeni beynəlxalq investisiyaların 150 milyon dollardan çoxunu cəlb edəcək, 4700 yeni avstraliyalı işindən və 1200 yerli biznes xidmətlərindən istifadə ediləcək.

Filmin Thor və ya Black Panther olması istiqamətində təxminlər irəli sürülür.

Sevinc Baba-zadə

© Materiallardan istifadə edərkən hiperlinklə istinad olunmalıdır