Pwn2Own-da internet brauzerlərini hack etməyi bacaran hakerlər 270.000 dollar mükafat qazandılar

  • 26 Mart 2019

Tesla Model 3-ə hack etməyi bacaran komandaya Model 3 hədiyyə etdikdən sonra Firefox, Microsoft Edge Apple Safari brauzerləri üzərində hacking bacarıqlarını nümayiş etdirən hakerlər, mükafat olaraq nə az, nə çox 270 min dollar qazandılar.

Chip.az bildirir ki, Pwn2Own-ın bu ilki yarışması hacking qabiliyyətlərindən çox müsabiqədə paylanan mükafatları ilə diqqətləri cəlb etdi. Belə ki, Mozilla Firefox, Microsoft Edge və Apple Safari brauzerlərində hacking imkanlarını nümayiş etdirən hakerlər bunun qarşılığında ümumilikdə 270 min dollar qazandılar.

Fluoroacetate adlı qrupun kompüter yaddaşında quraşdırılmış əməliyyat sisteminin ilk hissəsini yeniləməsi ilə Mozilla Firefox-a etdiyi hücum komandaya ümumi 50.000 dollar qazandırdı. Pwn2Own-ı təşkil edən Zwn Day Initiative (ZDI) Fluoroacetate komandasının özəl veb saytlara Firefox üzərindən qoşulmaya imkan yaradan sistem səviyyəli koddan istifadə etdiklərini bildirdilər.

Fluoroacetate-nin yalnız mükafatı Mozilla Firefox-dan gəlmədi. Mozilla Firefox üçün istifadə edilən metoddan əlavə, eyni qrup virtual kompüterdən yardım alaraq Microsoft Edge-də hackinq əməliyyatlarını həyata keçirə bildi. Edge-dəki həssaslıq və VMware Workstation adlı bir virtual kompüter proqramı ilə əlaqədar bir problem, hack komandaya tam 130.000 dollar mükafat da qazandırdı.

© Materiallardan istifadə edərkən hiperlinklə istinad olunmalıdır