Tesla-nın qırmızı işıqdakı xəbərdarlıq sistemi istifadəyə verilir

  • 25 Mart 2019

Chip.az bildirir ki, Tesla sadə bir proqram yeniləməsi ilə avtomobillərə yeni funksiyalar gətirir. Şirkətin son yeniləməsi işıqforlarla bağlıdır. Autosteer Stop Light Warning adlı yeni xüsusiyyətin adı həqiqətən hər şeyi izah etmək üçün kifayətdir. Beləki avto rejimdə sürücülər qırmızı işıqda bir xəbərdarlıq alacaqlar.

Belə ki, şirkət yeni özəlliklə işıqforda təhlükəsizliyi təmin etmək üçün 2019.8.3 seriyalı yeniləməni yükləməyə başladı. Əgər avtomobili idarə edərkən sürəti aşırsınızsa, işıqforu fərq etməmə ehtimalınız da artır ki, bu zaman sözügedən siqnal qırmızı işıqla bağlı xəbərdarlıq edəcək. Lakin, sürəti azaltmaq üçün əyləcə hər hansı avtomatik müdaxilə olmayacaq. Bu yenilənmə yalnız xəbərdarlıq siqnalından ibarətdir.

Qeyd edək ki, Tesla-nın bu özəlliyi işıqforlardakı kamera bilgilərindən istifadə edəcək və 2016-cı ildən sonra istehsal edilən bütün Tesla avtomobillərində istifadəyə veriləcək.

Sevinc Baba-zadə

© Materiallardan istifadə edərkən hiperlinklə istinad olunmalıdır