Nazir Ramin Quluzadə Çində “Huawei” və “China Telecom” şirkətlərinin rəhbərliyi ilə görüşüb

  • 28 Fevral 2019
  • 71

Səfər çərçivəsində adıçəkilən komissiyanın həmsədri, Azərbaycan Respublikasının iqtisadiyyat naziri Şahin Mustafayevlə birlikdə “Huawei” şirkətinin rəhbərliyi ilə görüş keçirilib.

Görüş zamanı “Huawei” şirkətinin istehsalı olan və müxtəlif sahələri əhatə edən yeni texnoloji həllərin təqdimatı keçirilib, şirkətin Azərbaycanda mövcud fəaliyyətinin daha da genişləndirilməsi istiqamətində fikir mübadiləsi aparılıb.

Bununla yanaşı, şirkətin Xəzər dənizinin dibi ilə ölkəmizdən Qazaxıstan və Türkmənistan istiqamətlərində fiber-optik kabel magistralının tikintisində mümkün iştirakı da müzakirə edilib. Qeyd edək ki, gələcəkdə magistral vasitəsilə Türkmənistan üzərindən Əfqanıstanın da internetə çıxışı təmin edilə bilər.  

Səfər çərçivəsində nazir Ramin Quluzadə “China Telecom” şirkətinin rəhbəri Yanq Jie ilə də görüşüb. Görüş zamanı sözügedən şirkətlə beynəlxalq telekommunikasiya sahəsində mövcud əlaqələr və gələcək əməkdaşlıq perspektivləri ətrafında müzakirələr aparılıb.

Bu xüsusda, “Trans-Avrasiya Super İnformasiya Magistralı” (TASİM) layihəsinin qısa müddət ərzində icrası istiqamətində mümkün addımların atılmasının vacibliyi vurğulanıb.

Görüş zamanı layihə çərçivəsində Qazaxıstan istiqamətində Xəzəraltı fiber-optik kabel magistralının çəkilməsinin texniki həlli yolları, layihə üzrə iqtisadi əsaslandırmanın hazırlanması, o cümlədən Çin tərəfinin bu magistraldan gələcək istifadəsi üzrə tələbatların öyrənilməsinə dair məsələlər müzakirə edilib.

Eyni zamanda, şirkətin Azərbaycanla Türkmənistan arasında da dənizaltı fiber-optik kabel magistralının tikintisi ilə bağlı əməkdaşlıq barədə fikir mübadiləsi aparılıb.

Qeyd edək ki, bu sahədə daha detallı texniki və iqtisadi məsləhətləşmələrin aparılması məqsədilə “Huawei” və “China Telekom” şirkətlərinin rəhbərliyi Azərbaycana dəvət olunub.

Azərbaycan-Çin Hökumətlərarası Ticarət-İqtisadi Əməkdaşlıq Komissiyasının 7-ci iclası bu gün keçiriləcək.

Chip.az

© Materiallardan istifadə edərkən hiperlinklə istinad olunmalıdır

Ümumi xəbər

Goodyear uçan avtomobillər üçün dizayn etdiyi təkərləri təqdim etdi

Godyear maraqlı təkər dizaynları ilə daim diqqət çəkib və sonuncu dizayn uçan avtomobillər üçün nəzərdə tutulub. 

Chip.az bildriir ki, 2019 Cenevrə Avt

3D-printed texnologiyası ilə eşitmə problemi aradan qaldırıldı

Texnologiya yüksək inkişaf etsə də eşitmə əngəlli insanların bu problemdən kökündən xilas olma yolları yoxdur. İstifadə olunan eşitmə cihazları əlavə cihaz olmaqla yanaşı

ABŞ-ın divarsız sərhəd təhlükəsizlik sistemi, CES-də təqdim olundu

Qeyd edək ki, ABŞ (Amerika Birləşmiş Ştatları) prezidenti Donald Trump-un Meksika sərhədində qurulmasını planladığı divar, böyük mübahisələr yaradıb və bir çox komediyaçı

OnePlus-un avtomobil istehsalına hazırlaşdığı iddia edilir

Chip.az bildirir ki, OnePlus, sosial media hesablarında bir avtomobil silueti ilə birlikdə "çox yaxında” ifadəsinin yer aldığı fotolar paylaşdı. Pay

Microsoft Windows 7əməliyyat sisteminin dəstəklənməsini dayandırır

Chip.az xəbər verir ki, buna səbəb isə “Microsoft”un 2009-cu ilin 22 oktyabr tarixində “Windows 7” işə salınarkən şirkətin üzərinə götürd