Çində gündəm olan mövzu: ev tapşırıqlarını yazan robot

  • 20 Fevral 2019

Demək olar ki, bir çox şagird ev tapşırığı etməyi sevmir. Bu tapşırıqlardan yayına bilmək üçün müxtəlif yollara baş vurulur. Görünən odur ki, bu vəziyyət dünyanın hər yerində eynidir.

Chip.az bildirir ki, Çində yayımlanan South China Morning Post qəzetinə görə, Zhejiang əyalətinin Hangzhou şəhərində təhsil alan bir qız  Bahar Şənliyində təxminən 625 dollar pul verərək bir robot satın alıb. Robotun xüsusiyyəti insan yazısını təqlid etmək və yazma prosesini səhvsiz tamamlamaqdır.

Beləki, ailəsindən gizlətməyə çalışdığı robot anası tərəfindən tapılıb. Anası qızının Cang-ın bir həftəlik tətil müddətində bütün tapşırıqları tez və səhvsiz tamamlamasından şübhələnir. Qızının otağını təmizləyərkən üzərində “bütün əl yazılarını təqlid edə bilir” yazılan robotu tapır və onu parçalara ayırır.

© Materiallardan istifadə edərkən hiperlinklə istinad olunmalıdır