iPhone 11 smartfonu haqqında xəbərlər yayımlanmağa başladı

  • 18 Yanvar 2019

Keçən il istehsal olunan iPhone XR, iPhone Xs və iPhone Xs Max modelləri istehlakçılar tərəfindən o qədər də sevilmədi. Nəticədə Apple satışlarında təxmin ediləndən olduqca aşağı nəticələr göstərdi. Bu səbəbdən şirkət yeni iPhone smartfonlarının bəzi özəlliklərində dəyişikliklər etməyə başladı.

Chip.az bildirir ki, yayılan məlumatlardan biri də Apple-nin bu ilin sentyabr ayında təqdim edəcəyi iPhone 11 smartfonunun 10MP dəqiqliyində TrueDepth xüsusiyyətinə malik bir ön kameraya sahib olacaq.

Keyfiyyətin 10MP səviyyəsinə qalxması Face İD texnologiyasının, Animasiya və əlbəttə çəkilən şəkillərin performansını artıracaq. Eyni zamanda, ötən həftə yayımlanan məlumatlara görə, iPhone 11 smartfonunun arxa tərəfində 3 kamera yer alacaq.

© Materiallardan istifadə edərkən hiperlinklə istinad olunmalıdır